Que facemos

No Obradoiro Penumbra levamos adiante un oficio vivo de encadernación artística. Con rigor artesanal e profundo respecto polo contido dos libros, cada peza creada no noso taller pasa por un proceso de lectura previa, avaliación de técnicas, selección de materiais, deseño e realización até chegar á vestidura definitiva, conclusión dun proceso que lle dá forma e identidade.

Empregamos materiais nobres —pel, papeis feitos a man, fíos naturais— e combinamos técnicas contemporáneas con outras de selo propio que converten cada traballo nunha obra singular, porque na pel queda o que a memoria esquece.

Fotos de Pablo Prados